Руни ёки Кейн?

Англия терма жамоаси ва “Манчестер Юнайтед” клубининг собиқ ҳимоячиси Рио Фердинанд собиқ жамоадоши Уэйн Руни ва Лондоннинг “Тоттенхэм” клуби ҳужумчиси Харри Кейнни ўзаро таққослади.

“Руни ўз ортидан жамоани эргаштира оларди. У ўйин суръатини ўзгартириши мумкин эди, бу ҳама футболчининг ҳам қўлидан келавермайди. Айнан мана шу нарса уни Кейндан ажратиб туради. Харри ғалаба қозона олмаётган ва ғалаба қозона олмайдиган жамоада тўп сурмоқда”, - деди Фердинанд Manchester Evening News нашрига берган интервьюсида.

Эслатиб ўтамиз, Руни футболчилик фаолиятини якунлаб, айни дамда мураббий сифатида фаолият юритмоқда.