Руслан Абдуллаев кубалик рақибини аяб ўтирмади!

Профессионал бокснинг супер енгил вазн (63,5 кг) тоифасида фаолият олиб бораётган ҳамюртимиз Руслан Абдуллаев АҚШнинг Калифорния штатида ташкил этилган жанг кечасида ринга кўтарилди.

Чарм қўлқоп устамиз кубалик Орестес Велазкезга қарши баҳс олиб борди. Қувонарлиси 10 раундлик жангнинг 5-раундида Абдуллаев рақибини кучли зарба билан техник нокаутга учратди.

Шу тариқа юртдошимиз профессионал боксдаги 5-жангида ҳам зафар қучиб, ғалабали сериясини давом эттирди.