Рустам Ашурматов Жанубий Кореядаги дастлабки голини киритди

Ҳамюртимиз Рустам Ашурматов фаолият олиб борадиган "Гванью" клуби бу тур ўз майдонида Жавлон Иброҳимов тўп тепадиган "Сувон Сити"ни қабуи қилди. Қизиқарли ва муросасиз тарзда кечган беллашувда мезбонлар 2:1 ҳисобида рақибдан устун келди.

Эътиборлиси, "Гванью"нинг дастлабки голига айнан Ашурматов муаллифлик қилди. Бу унинг Жанубий Кореядаги дастлабки тўпи бўлди. Рустам тўлиқ 90 дақиқа майдонда ҳаракат қилган бўлса, Иброҳимов қайдномадан ўрин олмади.

"K2" Лига. 7-тур

"Гванью"  - "Сувон Сити" 2:1

Голлар: Рустам Ашурматов (13), Фелипе (44 пенальтидан) - Эгбучунам (72).