Саиджамшид Жафаровдан ғалаба. Еттинчи финалчи

Тошкентдаги "Ҳумо арена"да бокс бўйича эркаклар ўртасида жаҳон чемпионати давом этмоқда. Бугун ярим финал жанглари бўлиб ўтмоқда.

-71 кг вазн тоифасидаги Саиджамшид Жафаров бразилиялик Вандерсон Де-Оливейра билан рингга кўтарилади. Жанг 19:30дан сўнг бошланади.

Боксчилар рингга чиқиб келди. Ҳамюртимиз қизил либосда, унинг рақиби кўк формада ҳаракат қилади.

Илк раундда Саиджамшид устунликка эришди - 3:2

Иккинчи раундда ҳамюртимизнинг қўли баланд келди - 5:0.

Учинчи раундда бразилиялик устунллика эришди - 2:3. Якуний ҳисоб 4:1 Саиджамшиднинг фойдасига.

Шу тариқа, Саиджамшид Жафаров финалга йўл олди. Боксчимиз камида кумуш медали ва 100 минг долларни қўлга киритди.