Салоҳ, ўрнингга шу тўпурар келади

Англия Премьер-лигасининг амалдаги ғолиби “Ливерпуль” ўтган мавсум охирида асосий тўпурари Муҳаммад Салоҳ билан амалдаги шартномани икки йилга узайтирган бўлса-да, мисрлик ўйинчининг клубдаги келажаги ҳамон мавҳум бўлиб турибди.

Чунки Саудия Арабистонининг бадавлат клублари анчадан бери Муҳаммад Салоҳни ўз сафига қўшиб олиш учун ҳаракатларини давом эттириб келмоқда.

Ўз навбатда, мерсисайдликлар ҳам ўз тўпурарлари ўрнини боса оладиган ўйинчи қидирмоқда.

Бир неча манбаларнинг ёзишича, ливерпулликларга “Борнмут”да тўпурарлик маҳоратини намойиш қилиб келаётган Антуан Семеньо маъқул келган.

“Ливерпуль” 25 ёшли футболчи трансферини амалга ошириш учун 86 миллион евро тўлашига тўғри келади. Клуб спорт директори Ричард Хьюз ганалик форварднинг персонал мухлиси ҳисобланади.

Семеньо жорий мавсум Англия Премьер-лигасида еттита учрашувда иштирок этиб, ўзи олтита тўп киритганидан ташқари жамоадошларига учта голли пас ҳам узатди. Унинг “Борнмут” билан битими яна беш йил давом этиши белгиланган.