Салоҳ "Ливерпуль" сафида премьер-лигадаги 200-учрашувини ўтказмоқда

"Ливерпуль" ҳужумчиси Муҳаммад Салоҳ фаолиятидаги яна бир маррани забт этди. АПЛнинг 21-туридан ўрин олган "Вулверхэмптон"га қарши ўйинда мерсисайдликлар футболчиси учрашувни асосий таркибда бошлади. Бу баҳс мисрлик ҳужумчи учун Англия премьер-лигасидаги 200-учрашувдир.

Муҳаммад 2017 йилнинг август ойида "Уотфорд"га қарши ўйинда илк бора "Ливерпуль" либосида ўйнаган. Ўшандан бери Салоҳ 199 та ўйинда 125 та гол урган.

Салоҳнинг юбилей ўйини "қизиллар" учун омадли бошланмади. Биринчи бўлимдан сўнг жамоа 0:2 ҳисобида мағлуб бўлмоқда ва турнир жадвалида 10-ўринни эгаллаб турибди.