Саммервилл Саудия Арабистонига жўнаб кетди

Нидерландиялик ярим ҳимоячи Крисенсио Саммервилль яқин кунларда Саудия Арабистонининг «Ал-Ҳилол» клуби сафига қўшилади. Бу ҳақда футбол бўйича инсайдер Фабрицио Романо хабар берди.

Манба маълумотига кўра, 24 ёшли футболчи «Вест Ҳэм»дан «Ал-Ҳилол»га ўтиши расман эълон қилинганидан сўнг илк бор Саудия Арабистонига йўл олди. Саммервилль яқин вақт ичида янги жамоаси ихтиёрига етиб бориши кутилмоқда. Айтилишича, у Эр-Риядга ўз агентлари билан бирга учиб кетган.

Июль ойида «Ал-Ҳилол» матбуот хизмати Саммервилльнинг «Вест Ҳэм»дан трансфери расман амалга ошганини маълум қилган эди. У 2026 йилги жаҳон чемпионатида иштирок этадиган футболчилардан бири сифатида қайд этилган. Норасмий маълумотларга кўра, ушбу келишув қиймати тахминан 65 миллион еврони ташкил этган.