Санчо янги клуб, жуда узоққа кетиб қолди

«Манчестер Юнайтед» таркибида таниқли бўлган Жейдон Санчо фаолиятини Бразилиянинг машҳур клуби «Палмейрас»да давом эттиришга қарор қилди. 

Журналист Альфонсо Партидор хабарига кўра, 26 ёшли ҳужумкор ярим ҳимоячи Бразилияга отланди, у ерда тиббий кўрикдан ўтади ва Сан-Паулу шаҳри клуби билан шартнома имзолайди. 

Манба сифатида «The Touchline» нашри келтирилган.

Маълумотларга кўра, англиялик футболчи билан тузиладиган шартнома икки йилга мўлжалланган. Шунингдек, келишувни яна бир йилга узайтириш имконияти ҳам кўзда тутилган.

Жейдон Санчо жорий йил июль ойи бошида «Манчестер Юнайтед» билан амалдаги шартномаси якунлангач, эркин агент мақомини олган эди. Ўтган мавсумда у «Астон Вилла» жамоаси сафида ижара асосида майдонга тушди.

«Палмейрас» ҳозирда Бразилия чемпионатининг Олий дивизиони — Серия А мусобақасида пешқадамлик қилмоқда. Жамоа 25 турдан сўнг 52 очко тўплаб, турнир жадвалида биринчи ўринни эгаллаб турибди.