Санжар Шоаҳмедов бошқа клубга ўтди

“Металлург”нинг ўрнига Суперлигада иштирок этиш имкониятини қўлга киритган “Хоразм” жамоаси имкон қадар таркибини кучайтириш ҳаракатида юрибди.

Селекция ишлари давомида клуб Санжар Шоаҳмедов билан шартнома имзолаганлиги маълум бўлди.

Ўтган йили “Динамо” шарафини ҳимоя қилган 35 ёшли ярим ҳимоячи бу мавсумда урганчликлар таркибида тўп суради. Бу ҳақида клуб матбуот хизмати хабар қилмоқда.

Футболчи шу кунга қадар ОКМК, “Локомотив”, “Ал-Сайлия (Қатар), “Теренгану” (Малайзия), “Қизилқум”, “Сўғдиёна” ва “Динамо”да ўйнаган.

Санжар фаолияти мобайнида ҳаммаси бўлиб, 348 та учрашувда майдонга тушган. Унинг ҳисобида 61 та гол ва 24 та голли пас мавжуд.

Ўтган йили “Динамо”да 26 та баҳсда иштирок этиб, 1 та гол урди ва 3 та голли пасни амалга оширди.