"Сантос" совуққа чидай олмаётган Габиголни "Интер"дан қайтариб олади
"Сантос" клуби президенти Модесто Рома ёзда "Интер" таркибига бориб қўшилган Габриэль Барбозани ижарага олиши мумкинлигини таъкидлади.
- Габиголнинг "Интер"га кўникиши учун вақт керак ва уни қўллаб-қувватлашимиз даркор, - деди Модесто Рома. - Ҳозир Миланда совуқ ва бундай об-ҳаво Габриэлга қийинчилик туғдиради. Мен у билан гаплашдим. Агар клуби рози бўлса, қишда уни ижарага оламиз. Чунки Бразилияда қиш енгил ўтади.
"Интер" 20 ёшли бразилиялик футболчи учун "Сантос"га 29,5 миллион евро тўлаган ва бу трансфер ҳозирча ўзини оқлагани йўқ. Габигол жорий мавсумда атиги битта учрашувда майдонга тушди. "Интер" уни Италиядан ташқаридаги жамоаларга ижарага бермоқчи.
Фикрлар