Сантуш: "Кейинги олти учрашувда ғалаба қозонишимизга ишонаман"

Фернанду Сантуш Португалиянинг қайд этган икки дуранг натижасига ўз муносабатини билдирди.

Португалия терма жамоаси бош мураббийи Фернанду Сантуш Евро-2020 саралаш босқичи 2-турида Сербия (1:1)га қарши ўйиндан кейин УЕФА матбуот хизматига ўз фикрларини билдириб ўтди.

"Биз учрашув давомида кўплаб вазиятларни яратдик, лекин фақатгина олис масофадан гол урдик. Ушбу ўйинда ғалаба қозониш учун интилдик. Ўз навбатида рақиб ҳам яхши ўйнади.

Ҳозирги ҳолатимиз ҳақида гапирадиган бўлсам, бизда икки турдан кейин икки очко бор. Аммо мен жамоамга ишонаман. Биз қолган олти учрашувда ғалаба қозонишимизга ишонаман", - дейди Сантуш.