"Сассуоло" футболчиси: Орзуим "Рома"да ўйнаш эди

"Сассуоло" ярим ҳимоячиси Давиде Фраттези "Рома"да ўйнашни хоҳлашини айтди.

“Менинг орзуим ёзда “Рома”га ўтиш эди. Мен бунга яқин эдим, лекин кейин келишув амалга ошмади. Келажакда топ-клубга ўтиш учун бор кучимни ишга соламан", - дея Фраттезининг сўзларини келтиради DAZN.

23 ёшли италиялик “Рома” тарбияланувчиси ҳисобланади. Ярим ҳимоячи 2017 йилда Рим клубидан "Сассуоло"га ўтган эди. Унинг клуб билан амалдаги шартномаси 2026 йилгача мўлжалланган.

Жорий мавсумда Фраттези "қора-яшиллар" сафида 10 та ўйин ўтказиб, 3 та гол уришга муваффақ бўлди. "Transfermarkt" портали футболчининг нархини 20 миллион еврога баҳоламоқда.