Саудия Арабистонида энг кўп маош олувчи футболчилар билан танишинг

Португалия терма жамоаси ва "Ан-Насср"нинг 39 ёшли ҳужумчиси Криштиану Роналду Саудия Арабистони чемпионатида йилига энг кўп маош олувчи футболчи бўлди. Бу ҳақда "Al Sharq News" Bloomberg ва Forbesга таяниб хабар берди.

1. Роналду йилига 263 миллион евро маош олади, шундан 60 миллиони рекламадан тушади.
2. Иккинчи ўринни "Ал-Ҳилол" ҳужумчиси Неймар 102 миллион, йилига 74 миллион маош ва 28 миллион реклама шартномаларидан тушган даромад билан эгаллаб турибди.
3. Учинчи ўринда "Ал-Иттиҳод"да тўп тепаётган Карим Бензема – йилига 96 миллион евро, шундан 92 миллиони маош, яна 4 миллиони рекламадан тушадиган даромад.
4. Кучли тўртликни "Ан-Насср" вингери Садио Мане якунлаб берди. У йилига 48 миллион евро маош олади. Реклама шартномалари эса 3,7 миллионга яқин даромад келтиради.

Саудия чемпионатига ёзда келган футболчилар орасида энг юқори маош Иван Тонига тўғри келади. "Ал-Аҳли" Англиялик форвардга йилига 23 миллион евро маош тўлайди.