Саудияликлар машҳур футболчидан воз кечди. Чемпионатдан номи ўчирилди!

Саудия Арабистонининг “Ал-Аҳли” жамоаси бразилиялик юлдуз Роберто Фирмино билан ҳамкорликни тўхтатишга қарор қилди.

Goal.com сайтининг ёзишича, клуб раҳбарияти 33 ёшли ҳужумчини жамоа қайдномасидан чиқарган ва энди Фирмино Саудия Арабистони чемпионатида қатнаша олмайди.

Ҳозирча, Роберто футбол ўйнайдиган бўлса, фақатгина Осиё Чемпионлар лигасида иштирок этиши мумкин холос. “Ал-Аҳли” бу футболчини келажакдаги режаларидан чиқарди.

Шайхлар Фирминони қишки трансферлар ойнаси даврида сотиб юбормоқчи бўлди. Лекин катта маош олаётган ўйинчи клубдан кетишдан бош тортди.

2023 йилнинг ёзида “Ал-Аҳли” сафига қўшилган Роберто Фирминонинг амалдаги шартномаси 2026 йилнинг ёзигача тузилган.