Сауль Альварес бўлажак жанглар учун нега катта пул сўрамоқда?

Бешта вазн тоифасида жаҳон чемпиони Сауль “Канело” Альварес кўплаб бокс мухлисларини қизиқтирган Теренс Кроуфорд ва Дэвид Бенавидесга қарши жанглар учун нима учун катта маблағ талаб қилаётганини тушунтирди.

"Мени нотўғри тушунманг, Кроуфорд ажойиб жангчи, лекин мен учун у осон рақиб бўлади, яъники осон пул. Аммо биласизми, мен Кроуфорд каби боксчилар билан курашишни ёқтирмайман, у жуда кўп ҳаракат қилади,  жанг услуби ҳам қизиқарли эмас...Лекин агар Турки Ал аш-Шайх ҳақиқатан ҳам менга керакли гонарарни таклиф қилса, мен рингга чиқишга тайёрман. Дэвид Бенавидесга келсак, у билан жанг учун камида икки юз миллион доллар олишни истайман, чунки у жуда хавфли рақиб. Жанг куни ҳам мендан 25 килограмм оғирроқ бўлади. Аммо яхшигина пуллар эвазига мен уни эрта мағлуб этишим мумкин", – деди Альварес.