Семеньо Англия футболи тарихидаги ноёб натижани такрорлади

"Манчестер Сити" ҳужумчиси Антуан Семеньо Англия кубоги финалида “Челси” дарвозасига киритилган ягона гол муаллифига айланди ва жамоасига ғалаба келтирди.

Ганалик футболчи учрашувнинг 71-дақиқасида гол урди. Бу унинг “шаҳарликлар” сафидаги ўнинчи голи бўлди.

Қизиғи шундаки, мавсумнинг биринчи қисмида Семеньо “Борнмут” таркибида ҳам 10 та гол урган эди.

Opta маълумотига кўра, Семеньо АПЛ тарихида бир мавсум давомида икки хил клуб сафида 10 тадан ортиқ гол урган иккинчи футболчига айланди.

Бу натижани аввал фақат Энди Коул қайд этган. У 1994/95 йилги мавсумнинг биринчи қисмида “Ньюкасл” учун 15 та гол урган, кейин эса “Манчестер Юнайтед”га ўтиб, яна 12 бор рақиблар дарвозасини ишғол қилган.