"Семурғ" финалга чиқа олмаяпти

Айни кунларда хоккей бўйича Ўзбекистон чемпионатининг плей-офф учрашувлари бўлиб ўтаётгани ҳақида хабар берган эдик. Финал йўлланмаси учун кечаётган муросасиз беллашувлар мухлисларнинг эътиборидан четда қолмаяпти.

“Бинокор” клуби қаторасига 3 ўйинда “Тошкент” жамоасини мағлуб этиб, дастлабки финал йўлланмасини қўлга киритган эди. Унинг рақиби “Ҳумо” ва “Семурғ” жамоалари қарама-қаршилигидан сўнг аниқ бўлади. Ушбу клубларнинг тўртинчи ўйинидан кейин ҳам иккинчи финалчини аниқлаб бўлмади. Тўртинчи ўйинда “Ҳумо” 5:2 ҳисобида устун келиб, сериялар бўйича ҳисобни 2:2 кўринишига олиб келди.

Хоккей бўйича Ўзбекистон чемпионати, плей-офф, 4-ўйин

“Ҳумо” – “Семурғ” – 5:2 (сериялар бўйича ҳисоб 2:2).

Плей-офф учрашувлари 3та ғалабагача давом этади. Шундай экан кейинги баҳсда қайси клуб ғалаба қозонса, финалда “Бинокор” билан куч синашади, дея хабар бермоқда МОҚ.