Сен сардорликка муносиб эмассан!

“Барселона” раҳбарияти германиялик дарвозабон Марк-Андре тер Штегенни сардорлик масъулиятидан озод қилиш борасида якуний хулосага келди.

Бош мураббий Ханс-Дитер Флик, спорт директори Деку ва клуб президенти Жоан Лапорта ўзаро келишган ҳолда тажрибали посбондант сардорлик ваколатини олди.

Mundo Deportivo нашрининг ёзишича, раҳбарият Марк-Андре тер Штегенни сардорликка муносиб эмас, деб топди. Бундан ташқари, клубдагилар немис голкиперининг ўзи тутишидан норози бўлмоқда.

Хусусан, уларга Марк-Андре жароҳати ҳақида клуб билан келишмаган ҳолда ўзича баёнот бергани “Барселона” хўжайинларини жумбушга келтирди.

Аввалроқ, бош мураббий Ханс-Дитер Флик ўз ҳамюртига келаси мавсум асосий таркибдаги жойи кафолатланмаслигини айтганидан кейин муносабатлар бузилган эди.