Сенга йўл бўлсин, Роналду! Месси тарихий жамоага киритилди

Франциянинг машҳур L’Équipe нашри барча даврлар учун «Европа чемпионлар лигаси рамзий терма жамоаси»ни эълон қилди. 

Рўйхатдан Лионель Месси ўрин олди, аммо турнир тарихида энг кўп гол урган Криштиану Роналду бу жамоага киритилмади.

Рамзий таркибни L’Équipe нашрининг етакчи журналистларидан бири Венсан Дюлюк тузган. У футболчиларни танлашда 1955 йилда йўлга қўйилган Европа чемпионлари кубогидан тортиб, ҳозирги Чемпионлар лигасигача бўлган бутун тарихни инобатга олган.

Дарвозабон: Рэй Клеменс («Ливерпуль»).

Ҳимоячилар: Дани Карвахаль («Реал»), Франц Беккенбауэр («Бавария»), Франко Барези («Милан»), Паоло Мальдини («Милан»).

Яримҳимоячилар: Лука Модрич («Реал»), Андрес Иньеста («Барселона»).

Ҳужумчилар: Лионель Месси («Барселона»), Йохан Кройф («Аякс»), Жорж Бест («Манчестер Юнайтед»), Альфредо Ди Стефано («Реал»).

Янги мавсум Европа чемпионлар лигаси сешанба, 8 сентябр куни старт олиши режалаштирилган.