Серена Уильямс рақибасини чап қўлида таслим этди

Серена Уильямс АҚШ очиқ чемпионатининг ярим финал йўлланмасини қўлга киритди.

У Нью-Йорк шаҳридаги мусобақанинг чорак финалида болгариялик Цветана Пиронковани 4:6, 6:3, 6:2 ҳисобида мағлубиятга учратди.

"US Open" турнирининг ярим финалида С.Уильямс беларуслик Виктория Азаренко ёки бельгиялик Элизе Мертенс билан куч синашади.

Шуни таъкидлаш жоизки, мазкур учрашувда Серена рақибасининг тўп узатмасини чап қўлда қайтарди ва ушбу жавоб зарбаси унга муваффақият олиб келди.