Сергей Фомин Қозоғистондаги турнир финалига чиқди

Қозоғистоннинг Нур-Султон шаҳри мезбонлигида ўтаётган ITF таснифидаги турнирнинг яккалик баҳсларида финалчилар номи маълум бўлди.

Қувонарлиси, теннис бўйича Ўзбекистон жамоаси етакчиларидан бири Сергей Фомин ҳал қилувчи беллашувда иштирок этиш ҳуқуқини қўлга киритди. Вакилимиз ярим финалда россиялик Константин Кравчукни мағлуб этди, ҳисоб - 6:4, 6:1.

Энди Фомин бош соврин учун мезбон спортчиси Бейбит Жукаевга қарши кортга чиқади. Финал эртага Тошкент вақти билан соат 10:30 да старт олади.