Серхио Рамос ўз дарвозасига нечта гол уриб қўйганини биласизми?

Испания чемпионатининг 8-турида “Барселона” ўз майдонида “Севилья”ни қабул қилиб, навбатдаги уч очкони қўлга киритди.

Учрашувда “Севилья” ҳимоячиси Серхио Рамос ўз дарвозасини ишғол қилиб қўйди. Мана шу гол ўйинда ягоналигича қолди.

Қизиғи шундаки, 37 ёшли Рамос “Барселона”нинг ашаддий рақиби ҳисобланади. У беллашув олдидан мезбонлар дарвозасига гол уриши кераклигини айтганди. Бироқ ўйинда бунинг тескариси бўлди ва ҳимояич ўз дарвозасига тўп киритиб қўйди.

Статистика мутахассисларининг ҳисоб-китобига кўра, Серхио Рамос Испания чемпионатларида 510 та ўйин ўтказиб, учта автогол муаллифи бўлган экан.

Эътиборли жиҳати шундаки, аввал “Реал”да ўйнаган Серхио Рамос аввакил иккита автоголини айнан “Севилья” билан бўлган ўйинларда киритган.