Серхио Рамосдан юз ўгиришди

Испания терма жамоаси, “Реал”, ПСЖ ва “Севилья”да ўйнаган машҳур ҳимоячи Серхио Рамос ўзига янги жамоа қидирмоқда.

Маълумотларга қараганда, унинг агентлари футболчи хизматини Бразилиянинг “Васко да Гама” клубига таклиф қилди. Бу ҳақда ушбу клубнинг собиқ ўйинчиси Эдмундо хабар берди.

- Таниқли футбол агенти “Васко да Гама”га алоқага чиқиб, Серхио Рамоснинг хизматларини таклиф қилди. Томонлар музокарага киришди. Лекин Серхио ўта катта маош талаб қилди. Шу сабаб трансфер барбод бўлди.

Албатта, жамоага Рамосдек футболчининг келиши фантастик даражадаги трансфер бўларди, лекин бунақа катта маош сўраш бу абсурд, - деди Эдмундо.

Айни пайтда 38 ёшли Рамос эркин агент мақомида ишсиз юрибди.