“Севилья” Марсьялни қўлга кирита олмаса, “Интер” ҳужумчиси билан алоқага чиқади

Испаниянинг “Севилья” клуби Миланнинг “Интер”идан ҳужумчи Стеван Йоветични ўз сафига қўшиб олишни кўзламоқда. Бу ҳақда AS нашри хабар тарқатмоқда.

Таъкидлаш керакки андалусияликлар раҳбарияти жамоанинг ҳужум чизиғини кучайтиришмоқчи. Черногориялик футболчи эса бу борада ажойиб танлов сифатида баҳоланмоқда.

Аммо, барибир “МЮ” ҳужумчиси Антони Марсьяль испан клубининг асосий нишони бўлиб қолмоқда. Аввалроқ, “Севилья” франциялик футболчини ижарага олиши мумкинлиги ҳақида хабар берган эдик.