Шаҳобиддин Зоиров Токио-2020 билан хайрлашди

  • 3 август, 2021, 07:59
  • 1
  • Бокс

Бокс бўйича Рио-2016 чемпиони, ҳамюртимиз Шаҳобиддин Зоиров Токио-2020 Олимпиадасидаги юришини чорак финалда тўхтатмоқда.

Боксчимиз ярим финал остонасида филиппинлик Карло Паламга қарши рингга кўтарилди. Иккинчи раунд ўтиб бораётган бир вақтда шифокорлар Зоировнинг жароҳати сабаб беллашувни давом эттиришга рухсат беришмади.

Бу вазиятда қоидага кўра ўша пайтгача олинган очколар ҳисоб-китоб қилинади. Афсуски, бу борада устунлик филиппинлик боксчи томонида бўлди ва вакилимизнинг мағлубияти қайд этилди.

Фикрлар

Саралаш
Фикр қолдириш учун авторизациядан ўтинг!
Baxil Alihuja
03/08/2021 10:56
Жанг адолатсиз булди! Биринчи раундда хам Шахобиддин устунлигида булди, 2-раундда хам Шахобиддинни яккол устунлиги бор эди. Спорт телеканалидаги тормоз шархловчи булса хам нохолис шархлади, хам уз ватандошини камситиб шархлади. 2-раунддаги доктор айнан жарохат булишини кутиб турган эди. Кон тухтатса буладиган кичик жарохат булса хам, эътиборсизлик билан дарров тухтатишда катъий туриб олди. Чунки Шахобиддинни хужумлари кучайиб бораётган эди, жанг охиригача Шахобиддин нокаут килиб енгиши ойдинлашаётганди.
Жавоб ёзиш