Шароф Муҳитдинов: "Бу бизнинг ишимиз эмас, лекин мазкур майдонда футбол ўйнаб бўлмайди"

"Насаф" Суперлиганинг 26-турида ОКМК меҳмони бўлиб, дуранг ўйнади ва турнир жадвалида иккинчи ўринга тушиб кетди. Учрашувдан кейин Шароф Муҳитдинов журналистларнинг саволларига жавоб берди. 

"Ўйин қийин бўлишини билардик. яхши жамоага қарши ҳаракат қилишимиз аниқ эди ва шунга мос тайёргарлик кўрдик. Ғалаба учун келгандик, буёғига энди ҳар бир учрашув қийин ўтади. Чемпионликни ҳис қилмоқдамиз. Худо хоҳласа, келаси учрашувларда ғалаба қозонамиз. 

Бу бизнинг ишимиз эмас, лекин бу майдонда футбол ўйнаб бўлмайди. Биз кўпроқ тўпни назорат қилишга ҳаракат қиламиз. Майдоннинг ҳолати эса бунга ҳалақит қилди", - деди футболчи. 

"Насаф"нинг "Нефтчи" билан очколари тенг (57). Аммо ўзаро ўйин ҳисобига Фарғона клуби биринчи ўринда турибди. Жамоа "аждарлар"ни ўз майдонида енгиб, сафарда дуранг ўйнаганди.