Шахмат. Тошкентда "Президент кубоги" старт олди

Бугундан бошлаб, Тошкентда "Президент кубоги" 1-тури старт олди. 3-бор ўтказилаётган мусобақанинг мукофот жамғармаси 75000 АҚШ долларини ташкил этади.

Турнир 2 гуруҳда ўтказилади. "А" гуруҳида рейтинги 2250 ва ундан юқори рейтингли шахматчилар иштирок этса, "Б" гуруҳида рейтинги 2249 ва ундан паст рейтингли шахматчилар қатнашади.

Ҳар бир ўйин 90 дақиқа ва ҳар бир юриш учун 30 секунд вақт қўшиб борилади.

21 ноябрь куни соат 14:00 да мазкур турнирнинг 1-тур баҳслари бошланади. 

Тўлиқ жуфтликлар рўйхати билан танишиш учун қуйидаги ҳаволага мурожаат қилинг: https://chess-results.com/tnr1064998.aspx?lan=11

Маълумот учун, Турнирнинг барча партиялари "UzChess" You Tube каналида жонли эфирда намойиш этилади.

Шахмат мухлисларига қўшимча қулайлик яратиш мақсадида ушбу мусобақада махсус "фан зона" ташкил этилган. Бу ерда сиз дўстларингиз билан биргаликда ўйинларни кузатишингиз ва шахмат атмосферасидан баҳраманд бўлишингиз мумкин. Бундан ташқари, мазали таомлар тақдим этувчи ошхона ҳам хизмат кўрсатади.