"Шахтёр" раҳбарияти Фонсека билан ҳамкорликни давом эттирмоқчи

Донецкнинг “Шахтёр” клуби жамоа бош мураббийи Паулу Фонсека билан шартномани узайтирмоқчи.

Maisfutebol нашри тарқатган хабарга кўра “кончилар” 44 ёшли португалиялик мутахассисга 2 йиллик янги шартнома таклиф қилишмоқда. Айтиш лозимки, ушбу келишувда Фонсеканинг маоши сезиларли даражада оширилган. Ҳозирча томонларнинг бу борадаги музокаралари ижобий томонга ҳал бўлмоқда.

Айтиш лозимки, мураббийнинг амалдаги шартномаси 2018 йилнинг ёзига қадар имзоланган эди.

Эслатиб ўтамиз, Фонсека бошқарувидаги “Шахтёр” якунланган мавсум Украина чемпионатида ғолиб чиққан эди. Улар шунингдек УЕФА Чемпионлар лигасининг жорий мавсумила 1/8 финалга йўлланмани қўлга киритишди.