Шерки Франция терма жамоасидаги можаролар ҳақида гапирди

Франция терма жамоаси ярим ҳимоячиси Райан Шерки жамоа ичида можаро борлиги ҳақидаги миш-мишларни рад этди.

«Менинг Майкл Олисе билан муносабатларим жуда яхши. Бу ҳақиқий, мустаҳкам дўстлик. ОАВ ёзаётган ҳар бир гапга ишонманг. Бизда ажойиб жамоа бор», – дея Шеркининг сўзларини журналист Фабрицио Романо ижтимоий тармоқларда келтирган.

Бундан аввал L’Équipe нашри Шерки ва Олисе ўртасидаги эҳтимолий низо ҳақида катта таҳлилий мақола эълон қилган эди.

Мамлакатда ўтган Миллатлар лигаси учрашувида Франция Белгияга қарши майдонга тушди. Зинедин Зидан шогирдлари йирик ҳисобда ғалаба қозонишди – 4:1. 

Қизиғи шундаки, иккала футболчи ҳам захирадан майдонга туширилди ва ўйинга жиддий таъсир кўрсатди: Шерки ғалаба голини айнан Олисе берган узатмадан сўнг урди, Майкл эса учрашувда дубль қайд этди.