Шома, сен уни табриклаб қўй!

Генрих Мхитарян бугунги кунда “Рома”нинг ҳақиқий етакчиларидан бирига айланди. Жозе Моуриньо кўп масалада арманистонлик легионер ёрдамига суяниб қолмоқда. Маҳоратли футболчи португалиялик мутахассис қўллаётган тактикаларнинг аксариятида асосий роллардан бирини бажаряпти.

32 ёшли футболчининг жамоадаги мавқеи шу даражага етдики, у кетма-кет 10 та учрашувда тўлиқ ҳаракат қилди. Агар Жозе Моуриньо тажрибали плеймейкерни Италия кубоги доирасида “Лечче”га қарши ўйинда ҳам майдонга туширса, бу Мхитарян учун юбилей учрашув бўлади.

Арманистонлик легионер шу кунгача “Рома” учун 99 та учрашувда майдонга тушган. Навбатдагиси 100-сифатида нишонланади. Генрих шу баҳсларда ўз ҳисобига 27 та гол ва 24 та ассист расмийлаштирди.

Мхитаряннинг римликлар билан амалдаги шартномаси мавсум охирида якунланади.