Шомуродов ноябрь ойининг энг яхши футболчилари қаторида!

Туркия Суперлигасининг ноябрь ойи учун рамзий терма жамоаси эълон қилинди. Қувонарлиси, ундан "Истанбул Башакшеҳир" ҳужумчиси Элдор Шомуродов ҳам ўрин олди.

Ўзбекистонлик форвард ўтган ойда 3 та учрашувда майдонга тушиб, уларнинг барчасида гол уришга муваффақ бўлди. Шунингдек, айни пайтда Шомуродов Суперлига тўпурарлар рўйхатида 11 та гол билан пешқадамлик қилмоқда.

Маълумот учун, "Башакшеҳир" жамоаси чемпионатнинг 16-туридан сўнг 20 очко жамғарган ҳолда турнир жадвалида 8-ўринни эгаллаб турибди.