Shomurodov transferining so‘nggi tafsilotlari. "Kalyari" hujumchini ommaga qachon tanishtiradi?

"Kalyari "Roma"dan Eldor Shomurodovni sotib olish huquqi bilan ijaraga olishga juda ham yaqin turibdi. Insayder Nikola Shkiraning bu haqda xabar bermoqda. 

Jurnalistning ta’kidlashicha, sardiniyaliklar agarda hujumchini sotib olsa, Eldor bilan 2027 yilgacha amal qiladigan shartnoma tuzadi. Shuningdek, bu transfer klubga 10 millio evroga tushishi mumkin. Shomurodov ayni paytda Italiyaga yo‘l olgan. U dushanba kuni tibbiy ko‘rikdan o‘tadi va seshanba kuni rasman "Kalyari" futbolchisi sifatida tanishtiriladi.

Eslatib o‘tamiz, O‘zbekiston terma jamoasi sardori uchun "Galatasaroy", "Jirona" va "Lechche" kabi klublardan ham takliflar bo‘lgan.