Шомуродов ва Файзуллаевнинг УЕФА турниридаги ўйини қандай баҳоланди?

Ўзбекистон миллий терма жамоаси етакчилари Элдор Шомуродов ва Аббосбек Файзуллаев жаҳон чемпионатидаги кейин илк расмий учрашувларини ўтказди. 

Легионерларимиз мундиалдан кейин қисқа фурсат ҳордиқ чиқарганидан кейин "Истанбул Башакшеҳир" ихтиёрига қайтиб, бир  неча кун давомида мавсумолди тайёргарлик йиғинида қатнашди. 

"Башакшеҳир" бош мураббийи Нури Шахин Конференциялар лигаси турнирининг саралаш босқичидаги Финляндиянинг "Интер Турку" жамоасига қарши учрашувда Элдорни бошланғич таркибда майдонга туширди. 

Аббосбек Файзуллаев эса, захирада қолдирилди ва иккинчи бўлим ўрталарида ўйинга қўшилди. 

Мезбонлар ғалаба учун майдонга тушган бўлса-да, биринчи бўлиб гол ўтказиб юборди ва қолган вақт мобайнида мағлубиятдан қутилиб қолишга ҳаракат қилди. Ва амалда буни уддалади. 

Учрашув 1:1 ҳисобида якунланди ва кейинги босқичга йўлланма оладиган жамоа жавоб ўйинида аниқланадиган бўлди. 

Нуфузли манбалардан ҳисобланган Flashscore.com сайти "Истанбул Башакшеҳир" таркибида фаол ўйнаган ўзбекистонлик футболчилар Элдор Шомуродов ва Аббосбек Файзуллаевнинг "Интер Турку"га қарши учрашувдаги ҳаракатларини юқори баҳолади. 

Шомуродов учрашувнинг 69-дақиқасигача тўп сурди ва унинг ҳаракатлари Flashscore талқинига кўра 7,2 баллга муносиб, деб топилди. 

Файзуллаев эса 61-дақиқада захирадан майдонга туширилди ва жамоаси ўйинини кучайтира олди. 22 ёшли ҳужумкор футболчининг ҳаракатлари 7,0 балл билан баҳоланди.

Эслатиб ўтамиз, "Истанбул Башакшеҳир" ва "Интер Турку" ўртасидаги илк беллашув Туркиянинг Истанбул шаҳрида бўлиб ўтган. Жавоб учрашуви 30 июль куни Финляндиянинг Турку шаҳрида ўтказилади. 

Ушбу жуфтлик ғолиби Конференциялар лигаси саралаши учинчи босқичида "Вадуц" (Лихтенштейн) — "Атлетик Эскальдес" (Андорра) қарама-қаршилигида зафар қучган жамоа билан тўқнаш келади.

Шомуродов ва Файзуллаев жамоасини мағлубиятдан қутқарди!

Кутилмаган янгилик! Ҳусанов суперклуб шартномасига розилик берди!

Бугун муҳим учрашув! Шомуродов Европадаги юришини бошлайди

Жаҳон чемпионатидан сўнг икки ўзбек футболчининг нархи кескин ошди

Тақиқ Ўрозов трансферига таъсир қиладими? ФИФА Россия клубларига трансфер блокини қўймоқчи