"Шўртан" ва Қашқадарё вилоят болалар ва ўсмирлар футбол академияси ўзаро ҳамкорликни давом эттиради

Хабарингиз бор, "Шўртан" профессионал футбол клуби Ўзбекистон футбол ассоциацияси ҳузуридаги Қашқадарё вилоят болалар ва ўсмирлар футбол академияси билан икки йилдан буён профессионал футболчиларни тайёрлаш бўйича ишлаб келмоқда. Бу бўйича шартнома имзолаган.

"Шўртан" футбол клуби, Ўзбекистон футбол ассоциацияси ва Ўзбекистон профессионал футбол лигаси доирасида ташкил этилган ПРО-Лига баҳслари ҳамда Ўзбекистон кубоги ўйинларида муносиб иштирок этиб келмоқда. Бунинг учун маҳаллий иқтидорли футболчилар хизматидан кенг фойдаланиб келмоқда.

Бугун Шўртан таркибида Қашқадарё вилоят болалар ва ўсмирлар футбол академияси тарбияланувчилари бўлган Асадбек Самариддинов, Ойбек Жонибеков ва Чориёр Турсунқуловлар тўп сурмоқда.

Шунингдек, ЎзПФЛнинг U19 чемпионати иштирокчи бўлган "Шўртан" U19 жамоасида ҳам Қашқадарё вилоят болалар ва ўсмирлар футбол академия тарбияланувчиларидан ўн бир нафари мавжуд. Демак ўзаро ҳамкорликдан ҳар икки томон ҳам манфаатдор.

"Шўртан" футбол клуби ҳамда Қашқадарё вилоят болалар ва ўсмирлар футбол академияси билан келгуси ҳамкорликда янги номлар ва маҳоратли футболчилар кашф этилади деган умиддамиз.

"Шўртан" профессионал футбол клуби ва Қашқадарё вилоят болалар ва ўсмирлар футбол академияси ўзаро ҳамкорликни узайтириш мақсадида меморандум имзолашди.

photo_2022-11-04_10-37-59

"Шўртан" футбол клуби матбуот хизмати

Фикрлар

Фикр қолдириш учун авторизациядан ўтинг!