Simeone Sulsherga kutilmagan zarba berdi

“Manchester Yunayted” bosh murabbiyi Sulsher anchadan beri “Atletiko” yarim himoyachisi Markos Lorentega xaridor hisoblanadi. Yaqinda inglizlar 26 yoshli futbolchi uchun ispanlarga 80 million evro taklif qilgandi.

Ma’lumotlarga qaraganda, madridliklar bu taklifni qabul qilmagan. “Atletiko” bosh murabbiyi Diego Simeone ispaniyalik futbolchini qo‘yib yuborishni istamayapti. Madrid klubi xo‘jayinlari esa, bu transfer uchun 120 million evro to‘langandagina amalga oshirilishini ta’kidlamoqda.

Jamoaning etakchilaridan biri hisoblangan Lorente joriy mavsumda Ispaniya chempionatida 28 ta uchrashuvda maydonga tushib, raqiblar darvozasini to‘qqiz marotaba aniq nishonga oldi.