Симеоне Сульшерга кутилмаган зарба берди

“Манчестер Юнайтед” бош мураббийи Сульшер анчадан бери “Атлетико” ярим ҳимоячиси Маркос Льорентега харидор ҳисобланади. Яқинда инглизлар 26 ёшли футболчи учун испанларга 80 миллион евро таклиф қилганди.

Маълумотларга қараганда, мадридликлар бу таклифни қабул қилмаган. “Атлетико” бош мураббийи Диего Симеоне испаниялик футболчини қўйиб юборишни истамаяпти. Мадрид клуби хўжайинлари эса, бу трансфер учун 120 миллион евро тўлангандагина амалга оширилишини таъкидламоқда.

Жамоанинг етакчиларидан бири ҳисобланган Льоренте жорий мавсумда Испания чемпионатида 28 та учрашувда майдонга тушиб, рақиблар дарвозасини тўққиз маротаба аниқ нишонга олди.