Симона Халеп финалда!

Руминиялик теннисчи Симона Халеп "Mutua Madrid Open" мусобақасининг ярим финал босқичида швейцариялик Белинда Бенчич билан рақобатлашди.

Уч сет давом этган ўйинда Симона тажрибали рақибини 6:2, 6:7, 6:0 ҳисобида мағлубиятга учратди ва финал йўлланмасини қўлга киритди.

Шу тариқа Мадрид шаҳрида ўтаётган турнирнинг сўнгги ҳал қилувчи учрашувида С.Халепга америклик Слоан Стивенс, ёки голландиялик Кики Бертенс қаршилик кўрсатадиган бўлди.