“Siti” APLning rekord transferini yakunlayapti

«Nottingem Forest» klubi va Angliya milliy terma jamoasi yarim himoyachisi Elliot Anderson 150 million yevro evaziga «Manchester Siti» futbolchisiga aylanadi. Bu haqida RMC Sport xabar berdi.

Shu tariqa, Anderson transferi Angliya Premier-ligasi tarixidagi eng qimmat transfer bo‘ladi.

23 yoshli markaziy yarim himoyachi o‘tgan mavsumda «Nottingem Forest» safida barcha musobaqalarda 50 ta uchrashuvda maydonga tushdi. U 2024 yili «Nyukasl»dan 41 million yevro evaziga kelib qo‘shilgan edi.

Avvalroq uning «Siti»ga o‘tishi «o‘rmonchilar» kelishuvni iyul oyida amalga oshirishni xohlayotgani sababli kechikayotgani xabar qilingan edi.