"Siti" De Bryuynega yangi shartnoma taklif qildi. "Shaharliklar" Kevinning shartiga rozi bo‘ldi
"Manchester Siti" rahbariyati yarim himoyachi Kevin De Bryuyneni jamoada yana uzoq yillar to‘p surishini xohlamoqda.
The Times nashrining ma’lum qilishicha, buning uchun “shaharliklar” 29 yoshli belgiyalik futbolchiga yangi shartnoma taklif qilmoqda. Tomonlar o‘rtasidagi amaldagi kelishuv esa 2023 yilga qadar imzolangan.
Aytish lozimki, De Bryuyne "Manchester Siti"ning bundan avvalgi taklifini rad etgan edi. Ammo “shaharliklar” taklifning moliyaviy tomonini yanada yaxshilagan holda yana bir bor unga murojaat bilan chiqishgan. “Siti” futbolchi talab qilayotgan haftasiga 310 ming funt maoshni to‘lashga rozi bo‘lgan.
De Bryuyne joriy mavsum “Manchester Siti” safida 28 ta o‘yinda maydonga tushdi va 3 ta gol hamda 16 ta golli uzatmaga mualliflik qildi.
Fikrlar