“Siti” futbolchilari “Chelsi”ni yengolmaydi

Angliya Premier-ligasining 32-turida turnir peshqadami “Arsenal” o‘z maydonia “Bornmut”ga 1:2 hisobida yutqazdi. Bu mag‘lubiyat “kanonirlar”ni ta’qib qilib kelayotgan “Manchester Siti”ga ochkolar orasidagi farqni qisqartirish imkonini beradi.

Buning uchun Xosep Gvardiola shogirdlari Londonda “Chelsi” maydonidan g‘alaba bilan qaytishi talab etiladi.

“Arsenal” afsonasi Pol Merson “Chelsi” o‘z uyidagi uchrashuvda “Manchester Siti”dan ochko olib, “kanonirlar”ga yordam qilishiga umid bildirmoqda.

- Ehtimol, "Arsenal" futbolchilarining o‘ziga bo‘lgan ishonchi parchalanib ketgandir. Birdaniga shunday holat yuzaga keldiki, agar “Manchester Siti” barcha o‘yinlarini yutsa, ular ochkolar soni bo‘yicha tenglashib oladi. Qolaversa, ularda gollar farqini yaxshilash uchun zahirada yana ikki o‘yin bor.

Shuning uchun gazetalar va ijtimoiy tarmoqlardan uzoqroq bo‘ling, chunki hamma: “Mana, ular inqirozga uchradi!” deb yozadi.

Juda yomon natija. Yomon o‘yin, energiya yo‘q, “Bornmut”ga jiddiy bosim o‘tkazish istagi yo‘q. Yoqimsiz natija.

Nimaga umid qilish mumkin? Menimcha, “Siti” yakshanba kuni “Chelsi”ni yutmaydi, - dedi Merson Sky Sports efirida.