“Сити” ҳар бир рақибига 100 миллион фунтдан ортиқ товон пули тўлайди

«Манчестер Сити» Англия Премьер-лигасининг молиявий қоидаларини бузгани учун айбдор деб топилса, клубнинг ҳар бир рақиби ундан 100 миллион фунтдан (116 миллион евро) ортиқ товон пули талаб қилиши мумкин.

Бу ҳақда The Times хабар берди.

Манбага кўра, 2024 йилда «Манчестер Юнайтед», «Ливерпуль», «Арсенал» ва «Тоттенхэм» клублари «Манчестер Сити»га расмий хабарнома юборган ва клуб энг жиддий айбловлар бўйича айбдор, деб топилган тақдирда, зарарни қоплашни талаб қилиш ҳуқуқини сақлаб қолган.

Қайд этилишича, айрим клублар эҳтимолий зарар миқдорини 100 миллион фунтдан юқори, деб баҳолаган. Бунга, жумладан, Чемпионлар лигасида иштирок эта олмагани сабабли йўқотилган даромадлар ҳам киритилган.