"Сити" раҳбарияти футболчиси учун харидор чиқишини кутмоқда

Бернарду Силва ёзги трансферлар ойнасида "Манчестер Сити"ни тарк этиши ойдинлашиб бормоқда..

"Transfer News Live"нинг хабар беришича, "шаҳарликлар" 30 ёшли португалиялик футболчи бўйича таклифлар кутмоқда. Таъкидланишича, Бернарду Силвага Испания, Португалия ва Саудия Арабистони клублари қизиқиш билдирмоқда.

Аввалроқ, ОАВда "Манчестер Сити"нинг ёзда жамоага ёш футболчиларни жалб қилиш орқали таркибни қайта қуриш режаси борлиги ҳақида маълумотлар пайдо бўлган эди.

Маълумот учун, Transfermarkt портали Бернарду Силвани 60 миллион еврога баҳоламоқда. Футболчининг клуб билан амалдаги шартномаси 2026 йилнинг ярмигача мўлжалланган.