“Сити” трансфери ҳақида: Энди овозимни ўчирмайман!

“Кристал Пэлас” бош мураббийи Оливер Гласнер Англия Премьер-лигасининг 22-турида “Сандерленд”га қарши ўйинда 1:2 ҳисобидаги мағлубиятдан кейин жамоа сардори ва етакчиси  Марк Гехининг “Манчестер Сити”га кўчиб ўтиши ҳақида фикр билдирди.

- Мен ўзимизни бутунлай тақдир ихтиёрига ташлаб қўйишганини ҳис қилаяпман. Ҳеч қандай қўллаб-қувватлашни сезмаяпмиз.

Энг ёмони – Премьер-лига ўйинидан бир кун олдин жамоамизнинг сардорини сотиб юборишди. Мен буни тушунолмайман.

Мен доим жим юрардим, лекин энди бунга чидай олмайман, чунки ўйинчиларни ҳимоя қилишим керак. Бу мавсумда иккинчи бор ўйин олдидан юрагимизни суғуриб олишяпти. Ёзда Эзе билан шунлай бўлганди, энди эса Гехи кетяпти.

Мен ўйинчиларга нима дейишим керак? Захира ўриндиғига қарайман ва жим туролмайман, у ерда ёш болалар ўтирибди. Шу сабабли бугун жуда хафаман, - деди Гласнер BBC журналистларига.

Аввалроқ, Гехи “Манчестер Сити”га 26 миллион фунт эвазига ўтиши ҳақида хабар берилган эди.