“Сити” ва “Челси” биргалашиб антирекорд ўрнатди

“Манчестер Сити” ва “Челси” УЕФА Чемпионлар лигаси 1/8 финалининг биринчи ўйинларида йирик ҳисобда мағлубиятга учради.

OptaJoe маълумотига кўра, Европа чемпионлар кубоги / УЕФА Чемпионлар лигаси тарихида илк бор бир кунда икки Англия клуби уч ёки ундан кўп гол фарқи билан мағлуб бўлди.

Эслатиб ўтамиз, 1/8 финал биринчи ўйинида ПСЖ ўз майдонида “Челси” футболчиларини  5:2 ҳисобида мағлуб этди.

“Манчестер Сити” эса, ўз навбатида “Реал” меҳмони бўлиб, учрашувда 0:3 ҳисобида қақшатқич мағлубиятга учради.

Энди ҳар Англиянинг ҳар икки клуби 17 мартга белгиланган жавоб учрашувларини ўз майдонида ўтказади. Бўлажак ўйинларда “Сити” ҳам “Челси” ҳам учта голдан иборатни фарқни йўққа чиқариши талаб этилади.

Мусобақа финали Будапешт шаҳридаги “Пушкаш Арена” стадионида бўлиб ўтади. Турнирнинг ҳал қилувчи учрашуви 2026 йилнинг 30 май кунига белгиланган.