“Сити” юлдузи АПЛда энг зўри бўлди

Англия Премьер-лигасида февраль ойи якунларига кўра, ойнинг энг яхши футболчиси аниқланди. Мукофотни январь ойида “Борнмут”дан “Манчестер Сити”га кўчиб ўтган ҳужумчи Антуан Семеньо қўлга киритди.

“Манчестер Сити”нинг янги юлдузи ўтган ой Англия чемпионатида бешта ўйинда майдонга тушди. Ушбу учрашувларда Семеньони фаоллик кўрсатди, рақиблар дарвозасига учта тўп киритиб, жамоадошларига битта голли узатма берди.

26 ёшли Семеньо АПЛдаги фаолияти давомида биринчи маротаба ойнинг энг яхши футболчиси мукофотига сазовор бўлди.

2025-2026 йилги мавсум давомида ойнинг энг яхши футболчилари рўйхати қуйидагича кўриниш олди: Жек Грилиш (август), Эрлинг Холанд (сентябрь), Брайан Мбеумо (октябрь), Игор Тиаго (ноябрь), Доминик Калверт-Левин (декабрь), Игор Тиаго (январь) ва “Антуан Семеньо (февраль).