“Сити” юлдузини суперклуб чақиряпти

“Манчестер Сити” билан амалдаги шартномаси тугай бораётган жамоа сардори Бернарду Силва Франциянинг энг қудратли клуби “Пари Сен-Жермен” нишонига айланди.

Португалиялик футболчининг Манчестерни тарк этиши деярли ҳад бўлган масала. Хосеп Гвардиола унинг жамоада қолишини истаётганига қарамай, клуб раҳбарияти авлодлар алмашинуви жараёнини давом эттиришга қарор қилган.

Шу боис, Бернарду Силвага янги шартнома таклиф қилингани йўқ ва музокаралар ҳам ўтказилмаган.

Журналист Экрем Конур Х ижтимоий тармоғида хабар беришича, вазиятни кузатиб бораётган ПСЖ 31 ёшли плеймейкерни ўз сафига қўшиб олишга бел боғлаган. 

Париж клуби бу трансферни мавсум тугагач, футболчи эркин агентга айланганидан кейин амалга ошириш имкониятини кўриб чиқмоқда.

Бундан ташқари, Силвага Туркиянинг “Галатасарой” ва Каталониянинг “Барселона” жамоаси ҳам қизиқиш билдирмоқда.

Бернарду Силва 2017 йилдан буён “Манчестер Сити” сафида тўп суриб келмоқда. У “шаҳарликлар” жамоаси клублар миқёсидаги барча нуфузли мусобақаларда ғолиб чиққан.