“Сити”дан икки юлдузни оламиз!

Англия Премьер-лигасининг ўртамиёна жамоаларидан ҳисобланган “Эвертон” ёзги трансферлар даврида таркибини “Манчестер Сити” юлдузлари эвазига кучайтиришни режалаштирмоқда.

Transfer News Live маълумотида ёзилишича, жамоа бош мураббий Дэвид Мойес ўз жамоасида Жек Грилиш ва Жон Стоунзни кўришни истаяпти.

Ўтган ёз мерсисайдликлар Жек Грилишни ижарага олган эди. Англиялик ҳужумкор футболчининг “Эвертон”да ўйини очилиб кетди. “Эвертон”да Грилишни 50 миллион фунтга тўлиқ трансфер қилиш имконияти бор эди.

Яқинда Грилиш оғир жароҳат олиб, операция столига ётди ва жорий мавсум бошқа майдонга туша олмайдиган бўлди. Бу ҳолат “Эвертон”ни хавотирга солаётгани йўқ ва ўйинчини ўз таркибида олиб қолмоқчи. Бироқ энди, “Эвертон” Грилишнинг нархини пасайтиришни талаб қилади.

31 ёшли Жон Стоунз эса, Ливерпуль шаҳрининг иккинчи клубида бепул тушиши мумкин. Чунки Англия терма жамоаси марказий ҳимоячининг “Манчестер Сити” билан шартномаси 30 июнь куни тугайди.

“Шаҳарликлар” таркибни ёшартириш сиёсатини давом эттираётгани боис, катта эҳтимол билан Стоунзга янги шартнома берилмайди. “Эвертон”дан ташқари яна бир неча клублар тажрибали ҳимоячини ўз сафида кўришни истаётгани ҳақида хабарлар кўпайиб бормоқда.