Слот: "Гакпо кутилганидан эртароқ қайтиши мумкин, аммо эртага эмас"

"Ливерпуль" бош мураббийи Арне Слот Англия Премьер-лигасида 'Тоттенхэм"га қарши сафар ўйини олдидан жамоадаги жароҳатланган футболчиларнинг ҳолати ҳақида маълумот берди.

— Гакпонинг текширув натижалари ижобий кўринишда. Шунинг учун унга нисбатан хавотиримиз камайди. У кутилганидан эртароқ сафга қайтиши мумкин, лекин аниқ айтаман — эртага эмас. Жо Гомес ҳам эртаги ўйинда иштирок этмайди. Доминик Собослаи кеча илк бор машғулотда қатнашди. Унинг ҳолатини кузатамиз, — деди Слот матбуот анжуманида.

Маълумот ўрнида, "Тоттенхэм" — "Ливерпуль" учрашуви 20 декабрь куни бўлиб ўтади. Беллашув Тошкент вақти билан соат 22:30 да старт олади.