Слот Салоҳнинг Африка кубогидан қандай ҳолатда қайтиши ҳақида гапирди

"Ливерпуль" бош мураббийи Арне Слот Муҳаммад Салоҳнинг Африка Миллатлар кубогидан кейин клуб ихтиёрига қайтиши ёки қайтмаслиги ҳақидаги саволларга жавоб берди.

"Салоҳ жуда иқтидорли ва етакчи футболчи. У бизнинг жамоада экан, ўзи истаса ундан максимал даражада фойдаланишни ва ўйин амалиёти беришни истайман. "Брайтон"га қарши ўйинда захирадан майдонга тушди ва яна бир бор ўз даражасини кўрсатди. Исталган футболчида кичик муаммолар ва пасайиш даври кузатилиши мумкин. Бироқ уни енгиб ўтиш унинг қўлидан келади. Африка кубогидан сўнг Салоҳ ўзининг энг оптимал спорт формасида клуб ихтиёрига келиб қўшилишини истардим", - деди нидерландиялик мутахассис. 

Маълумот  учун, АПЛнинг 16-турида "Брайтон"га қарши ўйинда захирадан майдонга тушиб, ўз хисобига битта голли узатмани ёздириб қўйди.