Собиқ жаҳон чемпиони Амир Хон президент бўлди

WBC бошқарув кенгаши, ташкилотнинг ўрта шарқ минтақавий федерацияси ташкил этилганлиги ва унга собиқ икки карра жаҳон чемпиони Aмир Хон президент, жаноб Таз Хан вице-президент этиб тайинланганини эълон қилди.

"Ишончим комилки, Aмир Хон бошчилигида маданий жиҳатдан хилма-хил бўлган, ўрта шарқ минтақасида спортимизнинг муносиб ривожланиши учун ноёб майдон яратилади ва келажакда WBC чемпионларини тарбиялаб беради. Мазкур ҳудудларда истеъдодлар жуда кўп. Шунинг учун, WBC бу ерда аёллар ва ҳаваскор боксни ҳам  ривожлантиришни истайди. Aмир Хон Покистонда боксни ривожлантириш учун дастлабки қадамларни қўйган. WBC ва унинг бошқарув кенгаши ташкилот раҳнамолигида Хоннинг ҳаракатларини минтақа бўйлаб қўллаб-қувватлашга тайёр.

Амир Хон бокс оламида ва унинг ташқарисида ҳам жуда катта нуфузга эга бўлган шахс саналади. Шунинг учун, WBC ўрта шарқ минтақаси бокс федерациясининг президенти лавозимига Aмир Хонни танлади. Энди у ушбу масъулиятли вазифани ўз зиммасига олади ва бизнинг қарашларимизга мос равишда фаолият олиб боради. Шунингдек, Таз Хан вице-президент сифатида тайинланди. Таз ҳам узоқ вақт давомида бокс билан шуғулланган ва унинг ёндашуви ва ютуқлари ҳам ҳурматга сазовордир. Ўйлаймизки, ҳамкорликда ушбу минтақада бокс ривожини юксак чўққиларга олиб чиқамиз”, - деди Бутунжаҳон бокс кенгаши президенти Маурисио Сулаймон ўз баёнотида.

шарқ

Матнда хатолик топсангиз, ўша хатони белгилаб, бизга жўнатинг (Ctrl + Enter)