Собиқ жаҳон чемпиони: "Даниэль Дюбуа бир жеб билан Жейк Полни нокаут қилади"

Собиқ жаҳон чемпиони, ҳозирда эксперт ва шарҳловчи Тони Беллью оғир вазн тоифасида IBF камари соҳиби Даниель Дюбуа ва боксчи блогер Жейк Пол ўртасидаги жанг эҳтимолини баҳолади.

"Ҳа, бу ажойиб жанг бўларди, аммо Ер сайёрасида эмас, аксинча Марсда ўтказилганда...Дюбуа ҳозирги Тайсон билан солиштирганда бутунлай бошқа даража. Даниэль биргина жеб зарбаси билан Жейк Полни нокаутга учратади", - деб Белльюдан иқтибос келтирди "talkSport".

Эслатиб ўтамиз, аввалроқ Дюбуа ҳам афсонавий Майк Тайсонга қарши рингга чиқмоқчилигини айтганди.